IIII r

Zornhaw  13  17          Zwirhäw brechen.  14 Zu dem kurtzen schwerdt vier Regeln.  14

Zwölff leren / den angehnden Fechteren.

Erst

IIII v

Erst Theil diß Buchs.

Wie man fortheyl im langen Schwerdt / welchs ein grundt unnd ursprung allen Fechtens / zu beden henden brauche sol.

V r

Das erst Leger würdt genant Hochort oder Ochs / als die Alten woellen / Und würt vil darauß genommen.

Wer dir ober hawet /   Zornhaw dem drawet. Würt ers gewar /   Nims oben ab one fahr. Biß stercker wider.  Wind / stich / sihet ers / nims oben wider. Das eben merck /   Haw / stich pind leger / weych oder hert In des und darnach /   Anhut dem krieg sei nit gach. Wes der Krieg raumet /   Oben nider würt er geschamet. In allen Winden /   Haew / stich / schnid lere finden.

Flügel.

Flügel nim aus der Obern hut oder Hochort / Den Ersten streych von tach zu dem lincken ohr / Den andern von unden mit dem trit deiner lincken seiten. Den dritten streych / hinder sich auff den kopf.

Bruch diß vorgeschribenen .

Flügelt dir einer zu / versetz den ersten von tach Den andern steck von unden mit deiner langen schneid / und greiff mit deiner lincken handt an sein schwerts knopff / so würffestu ihn über sein schwerdt.

Text.

Zornhaw / komp / twer / Hat Schiler mit Scheytler / Alber versetzt / Nachraisen / Uberlauff / haw / letzt. Durchwechsel / zuck / Durchlauff / abscheid / hendtruck Heng / wind mit plössen / Schlag mach streych mit stößen.

Kron.

Tritt unnd schlag von oben mitt deiner langen schneid durch / auff sein linck ohr. Den andern trit un schlag mit kurtzer schnei

B        

V v

de oben nider des rechten ohrs. Den dritten streych hinder sich mit der langen schneid.

Bruch.

Wann dir einer kron hawt / verfach den ersten. Zum anderenn streych / leg ihm dein kurtze schneid an hals / so schlegt er sich selb.

Feler.

Nim den Fehler auß dem Hohen ort / Haw kurtz durch / uff sein linck ohr / und tritt mitt deim lincken fuß gegen seiner rechten seitten / Und schlahe den andern streych lang hinein auff sein recht ohr / Bleib hoch mit guter versatzung.

Bruch.

Haw von oben auß dem Ochsen gegen ihm / unden durch die Rosen / und leg ihm die kurtze schneid in sein gesicht / wind kurtz ab / und schlahe mit der langen schneid nach.

Regel.

Haw gegen seinem streych durch / unnd tritt mit dem rechten fuß in Triangel / damitt du dich fast entblössest / Ursach / das er deiner blösse zuschlahe / Darnach tritt mit dem lincken fuß / und schlahe mit der hand nach.

Von vier blößen.

Vier Bloesse wisse  .   Zuraumen / so schlegstu gewisse / On alle fahr /     Wie er gebar.

Vier Blöße brechen.

Wiltu dich rechen / Die vier Blöße kunstlich brechen /

Oben

VI r

Oben duplier /     Unden recht mutier. Ich sag dir fürwar /     Sich schützt kein man on fahr. Hastu mich vernomen /    Zu schlag mag er nit kommen.

Schlaudern.

Schlaudern nim auß der Obern hut / Haw gegen ihm mitt der langen schneid auff sein linck ohr Versetzt ers / thu ob du zucken wollest / und bleib mit der kurtzen schneid an seinem lincken ohre / Zuck und Schlauder von unden mit der fleche an sein rechtes ohr.

Bruch.

Ob dir ainer zu schlaudert laß den ersten straich abschneiden / und versetz den andern von oben nider mitt deiner langenn schneid / so magstu ihn bstecken oder dempffen.

Durchschiessen.

Durchschiessen magstu auch nemenn auß dem Hohen Ort / Haw vonn oben nider / unden durch die Rosenn / mitt verkerten henden und kurtzer schneid / in sein angesicht Laß kurtz ablauffen mit der langen schneid nachtretten.

Bruch.

Wann dir einer durchscheußt / unnd will dir die kurtz schneide anlegen das du anderst nit arbeiten kanst / so nim dein schwerdt beim ort und schlahe ihm das Kreutz an kopff.

B ii    

VI v

Vier Läger.

Vier Läger alleyn     Halt / und fleuch die gemeyn. Ochs / Pflug / Alber     Von tach / sei dir nit unmehr.

Nach unserer newen art haben wir andere na men / wiewol ein bedeuttung ist / Als Hochort / Hangend ort / Eisern pfort / Pflug / Die sind vilfaltig.

Ubergreiffen.

Ubergreiffen magstu auch nehmen auß dem Hohen ort. Greiff mit deiner rechten handt über dein Kreutz in die klinge / das dein finger in der fleche stehend. Schlegt dir einr zu / schlahe gegen ihm mit der stercke das du mit not sein schwerdt übertringest / und zuck ihm dein fleche an sein recht ohr / unnd verfare hoch / in deine versatzung.

Bruch.

Wann dir einer übergreifft / beut ihm den streych / und verzuck kurtz Streich lang nach / oder brichs mit dem Feler oder Kron hawe.

Bleiben.

Leg dich in die Oberhut oder Hochort / und haw mit der langen schneid an sein linck ohr / und thu ob du zucken wolltest / unnd bleib mit der kurtzen schneiden an seinem lincken ohr. Darnach zuck und haw mit langer schneid nach.

Bruch.

Wann dir einer bleibt mit kurtzer schneid an deinem lincken ohr / so bleib du auch an der andern seitten / Zuckt er aber von erst / so schlegt er sich selber.

Wolher

VII r

Von Versetzen.

Vier sind Versetzen /     Die die Läger letzen. Vor Versetzen hüt dich /     Geschicht dirs not / es müt dich. Ob dir Versetzt ist /     Und wie das herkommen ist / Hör was ich rathe /     Reiß ab / haw mit drate / Setz an vier enden /     Bleib daruff ler wiltu enden.

Hangend Ort.

B iii

VII v

Das ander Läger würdt genant Hanged ort /            und ist zwifach Krump auff behend /     Würff dein ort auff die hend / Krump wer wol setzt /     Mit schriten vil haew letzt. Haw krump zur flechen /     Wiltu die meyster schwechen. Wann es glitzt oben /     So stand ab / das thu ich loben. Krump mit Kurtzhaw /     Durchwechsel damit schaw. Krump wer dich irret /     Der edel Krieg daruff verferet Das er fürwar /     Nit weyß wo er ist one fahr.

Hangend ort legert den rechten fuß vor / mitt der fleche under das angesicht tretten / kurtz und hoch versetzt / was streych vonn tach geschlagen würdt / kurtz ab lassen lauffen / und lang nachtretten mit dem streych.

Bruch.

Treib von der rechten handt / den rechten fuß vor / ligt er still im Hangenden ort / leg ihm die kurtze schneid an sein recht ohr / so darff er nit zucken / wo er aber zuckt / so entblößt er sich.

Wider Bruch.

Wann dir einer die kurtze schneid an den hals legt / verwende dein hend mit dem schwerdt / und sperr ihn von oben mit der langen schneid Und greiff mit deiner lincken hand an seinen knopff / wirff ihn auff die linck seiten über sein schwerdt.

Eisern Pforten.

Das Dritt Läger würt genant / die Eisern Pforten / oder die Zwir nach den Alten.

Zwir benimpt     Was von Tach her kümpt. Zwir mit der sterck /     Dein Arbeit damit merck.

VIII r

Zwir zu dem Pflug /     Zu dem Ochsen ghört fug. Was sich wol Zwiret /     Dem haupt mit springen gfiert. Feler verfüret /     Nach wunsch er rüret. Verkerer zwingt / Durchlauffen auch mit ringt. Den elnpogen gewiß nim / unnd spring in die wag / Feler zwifach /    trifft man den schnidt mitt macht / Zwifach es fürbaß /     Schreit in linck / biß nit laß.

Von Tach.

Leger dich in die Eisern pfortten mitt geschrenckten henden / Schlegt dir ainer von tach / nim sein streych von tach mit kurtzer schneid / und tritt ihm nach mit langer schneid.

Bruch.

Treib den Fehler auff ihn / so er ligt in der Eisern pfortten / so verfert er umbsunst / und blößt sich.

Uberschiessen.

Leg dich wi vor / mit geschrenckten henden / und tritt mit der kurtzen schneid übergeschossen auff sein linck ohr / unnd verwend dein hend und schlahe mit der langen schneid nach.

Bruch.

Wann dir einer die kurtz schneid überscheußt / so wennde den streych ab / se kompt dir streych wider wider streych / und gleiche arbeit.

Uberlauffen.

Wer unden raubt /     Uberlauff den / er würt beschampt. Wann es glitzt oben /     So stand ab / thu ich loben. Dein arbeit mach /     Oder hart truck zwifach.

Tri

VIII v

Bruch.

Wann du dich verhawen hast auff ihn / so fare mitt deinem knopf übersich so bistu auch versetzt / Laß ihn auch abrauschen / und arbeit mit ihm nach vortheil.

Von Absetzen.

Lere Absetzen /     haew / Stich künstlich letzen. Wer auff dich sticht /     Sein ort brich. Von baiden seitten /     Triff allmal / wiltu streitten.

Durchlauffen.

Durchlauffen laß hangen /      Mit dem knopff greiff / wiltu Rangen. Wer gegen dir sterckt /      Durchlauffen damit merck.

Regel.

Merck / Wann du einem zustichst / das du triffst mit dem ort / so wind alwege dein schwerdt mitt dem knopff under die rechte achseln.

Das

IX r

Vom Schilhaw.

Schiler bricht /     Was Püffel schlegt oder sticht / Wer Wechsel trauwet /     Schiler ihn darauß beraubet / Schilt kurtz er dich an /     Durchwechsel ihm gesiget an. Schilch zu dem ort /     Unnd nim den hals on forcht / Schil zu dem haupt oben /     Wiltu betoben.

Von Zucken.

C      

IX v

Tritt nahend in Bund /     Zucken geben gut fund / Zucke /Trifft er / Zuck meh /     Arbeit / das thut im we. Zuck alle treffen /     Wiltu die meyster äffen.

Von Anbinden.

Bindt dir einer oben an / prüff ob er hert oder weych lige / Ligt er hert / so wind unden durch / auß der Rosen / gegen seinem gsicht an das linck ohr / so windestu ihm sein schwerdt auß / und blössest ihn damit. Zuckt er aber / und schlegt / verfare oben mit der versatzung.

Bruch.

Wann dir einer oben hat anbunden / unnd ligt vest / das du nit Zucken darffst / und will auch nit Zucken / So heb dein knopff übersich / und laß ihm den ort zwischen seiner hend eingehn / unnd zuck an dich / so muß er lassen.

Außreissen.

Wann dir einer anbindet / und ligt hert im Anbinden an deim schwerdt So greiff mit deinem ghültz über seine bede hend / und reiß undersich zu dir / damit blössestu und schlegst ihn.

Vom Nachraysen.

Nachreysen lere     Zwifach / oder schneid in die wehre. Zwey auch darinne /     Dein arbeit damit beginne / Und prüff die gferte /     Ob sie sind weych oder hertte / Das fülen lere /     In des das wort / schneid sere. Nachreysen zwifach     Trifft / Man den alten schnit mit macht.

[Pflug.]

Das vierd Läger würt genant der Pflug. Was dir Püffel schlegt / tritt in Triangel mit dem rechten fuß / unnd versetz kurtz mit der fleche / das er abrüst. Darnach tritt ihme nach mit dem lincken fuß / und schlahe mitt langer schneid nach.

Bruch.

X r

Bruch.

Wann dir einer versetzt / und du dich verhawen hast / zuck dein knopff übersich / das du wol deckt seiest / und laß ihn auch abrüschen / Desgleichen ist auch begriffen in Hiltprants oder Plitzhaewen.

Abschneiden.

Schneid ab die herten /     Von bayden geferten. Vier sind der Schnidt /     Unden zwen oben mit.

Regel.

Wann du einen findest im Pflug / scheuß ihm über / es sei mit kurtzer odder langer schneid / eh er zu Arbeit kompt / so sperrestu ihn / das er weder zucken noch schlahen mag / Das fehlt dir nit / so du ihn begreiffst im Läger.

Von Durchwechsel.

Durchwechsel lere /     Von beyden seiten streich mit sere. Wer auff dich bindet /     Durchwechsel ihn schir findet.

Kampffstuck.

Leg dich gegen ihm wie vor / Greiff mitt deiner lincken handt in deine schwerdts klingen / in der mitte / und stich ihm gegen seinem gsicht so muß er versetzen / und den stich außtragen / so folge ihm nach mit dem tritt / und laß dein lincke handt vom schwerdt / Greiff mit deinem knopff über sein bede hend / und lege ihm deine schneid an hals / und lege ihn in die schweche / so wirffestu ihn.

Bruch.

Wann dir einer sein schwerdt hat angesetzt / und will dich werffen / laß dein recht hand vom schwerdt / unnd stoß von unden an sein

C ii      

X v

lincken elnpogen / so muß er sich wenden.

Regel.

Hat dir ainer angesetzt an dein brust / so begreiff sein schwerdt mit der lincken hand / vorn bei dem ort / un stich mit deim schwerdt hinder sein linck beyn / unn tring mit deiner brust gegen ihm / und stoß ihn mit deiner lincken handt an sein brust zurück hindersich über dein schwerdt.

Schedtelhaw.

Der Schaitel dem Antlitz ist gfar /     Mit seiner kar der brust fast gfar. Was von ihm kümpt /     Die Kron das abnimpt / Schneid durch die kron /     So brichstu sie fast schon. Die stich trucke /     Mit schnitten sie ab zucke.

Sprechfenster.

Sprechfenster mach /     Stand fröhlich / besihe sein sach. Schlahe ihn das er schnabe /     Wer vor dir zeucht abe. Ich sag dir fürwar /     Sich schützt kein man on fahr / Hastu mich vernomen /     Zu streych mag er nit komen.

Regel.

Wann einer vor dir ligt im Sprechfenster / so greiffe mit deinem knopff über sein gehültz / zwischen seinen henden / und greiff mit deinem lincken daum auff sein gehülze / und zeuch an dich / so blössestu ihn und schlegst ihn damit.

Ein andere.

Wann einer im Sprechfenster ligt / so leg dich gleich also / Will er nit arbeytten / so stoß ihn mit deiner lincken handt an sein rechte handt / das er sich wendt / damit entblössestu ihn.

XI r

Vom Auffstreichen.

Wann du ligst in der neben hut / auff deiner lincken seitten / un einer hawt auff dich ein Oberhaw / von seiner rechten achseln / so streich von unden auff / fast in sein schwert / mit der kurtzen schneide / Helt er starck wider / und ist nit hoch mit den henden / so Duplier zwischen dem man und seinem schwert in mitt der kurtzen schneid / zu seinem lincken ore.

Wann du auffstreichst an sein schwerdt / helt er starck wider / so schlahe mit der Zwirch sein lincke seitten / und Duplir aber zwischen seinem schwert / und schlahe zu seinem rechten ohr / mitt der

C iii      

XI v

langen schneid / oben an der blöße.

Wann du ihm streichst an das schwerdt / Fehrt er hoch auff un windet so steck mit der langen schneid / Schlegt er aber mitt der Zwirch / so schlahe ihn in die linck seitten mit einem abtritt.

Wann du ligst in der Nebenhut / odder treibst die streichen zu dem man / Helt er dan sein schwerdt zwerchs vor ihm / unnd will dir auff dein schwerdt fallen / unnd ist er hoch mit den armen / so streich ihm unden an das schwerdt / unnd stoß ihn under seinem schwerdt an brust.

Zwo Regeln / darauß die Acht Ringen gehn.

Verkerer zwingt /     Durchlauffen auch mit dringt.

Durch

XII r

Durchlauff / laß hangen /     Mit dem kopff greiff / wiltu rangen.

Schwerdt nemen.

Ligt er hoch zwerch / oder im Sprechfenster / laß deine lincke handt vom schwerdt / griff ihm unden zwischen seinen henden / mit deim knopff / darnach nim den knopff wider / mitt verkerter handt / un reiß gegen seinr lincken seiten so nimmst ihms schwert.

Ligt er aber nider / so greiff mitt deinem schwerdt oben über sein hefft / mit deinem knopff / und nim dein knopff unden in ballen / und wind gegen deiner rechten seitten / wo wirffestu ihn über sein schwert / oder er muß schwert lassen.

Ein Werffen.

Ob dir einer begegnet hoch in der versatzung / und wolt nit darauß / Greiff ihm mit deinem lincken fuß hinder seinen rechten fuß / und mit deinem lincken arm in sein linkc brust / unnd wirff ihn aus dem fuß über dein linck beyn.

Oder / Wann dir einer einlauffen will im schwerdt / und hat dir anpunden hoch / so fare ihm mit deinem rechten arm in sein linck brust / unnd lege ihn in die schweche mit deinem rechten fuß wol hinder seinen rechten kniebug / und wirff ihn nider.

Oder / So dir einer einlaufft stoß ihn mitt deiner lincken handt an sein rechten elnpogen / un trit mit deinem lincken fus für seinen rechten / lasse ihn darüber stürtzen.

Halten einn ligenden.

Wirffstu ihn auff den bauch / so fall ihm mit deinem rechten knie auf sein rucken / unnd mit der lincken handt greiff über sein haupt vorn in den schopff / und zeuch übersich / Verdrehe ihm den hals / so felt er wider auff den bauch / ob er auff wolt stehn.

Oder / wirffestu ihn auff seinen bauch / so sitz auff ihn / schreit über seine arm / so möchtest ihm sie brechen.

Heng-

XII v

Hengen.

Zwifach Hengen werden     Auß iedem ort auff erden / In allen gferte /     Haw / stich / Leger waych oder herte.

Hendtrucken.

Dein schneid wend /     Zur flechen truck ihm die hend.

Wann einer gegen dir ligt im Sprechfenster / leg dich auch also un greiff mit den fingern deinr rechte hand über dein schwert / un begreiff sein schwert zu deinem / damit truckst ihm seine hend.

Schwerdt nehmen.

Findstu einen im Sprechfenster oder zwerch / so greiff mitt deiner lincken handt oben aussen über sein rechte handt / leg ihn in die schweche mit deinem lincken fuß / aussen über sein recht kniebug / und zeuch von dir / so muß er schwert fallen lassen.

XIII r

Regeln zum Ringen.

Ist er nider mitt denx henden / unnd will auffarenn / so streich durch / stoß ihn zu der brust auff die ander seitten / das ist durchgewechselt.

Wann du durchstreichst / so fall ihm mit der langen schneid uff dein schwerdt / und wind auff dein lincke seitten / das dein daume unden kompt / und far ihm mit der langen schneid / mit der sterck an sein rechte seitten des hals / unnd spring mit dem rechten fuß / und ruck ihn mit deinem schwerd darüber.

Ein Anders.

Wann du auß dem streichen durchwechselst / unnd kompst zu der andern seittten obenn auff sein schwerdt / so magstu die stuck gleich als wol treiben als vor / mit zeckrurn / und mitt allen dingen als vor / auff allen seitten.

Fechten auß dem Absetzen.

Wann du nahend zu einem kompst / so kom in den Pflug / und treib den behend mit wenden vonn einer seitten zu der anderen / und das dein ort alweg vor dir bleibe. Aus dem magstu treiben das versetzen / das ist die nähe / unnd in dem magstu stercken mit der langen schneid / und daraus treiben alle vorgehnde stuck.

Auch magsut häw un stich absetzen / und die flechlingen brechen / und mit dem ort die blösse suchen.

Kampffstuck.

Stich ihm inwendig zu dem gsicht / Weret er dir das aber / so schreit mit deinem lincken fuß zwischen sein bede beyn / un greiff mit dem knopff aussen über sein linck beyn / in die kniebüg / unnd heb übersich mit deiem knopff / und mit der lincken achsel truck oben von dir / so fellt er.

Bruch.

Wann dir einr fert mit seinem knopff in dein linck kniebug / so

XIII v

greiff mit deiner lincken handt ihm hinder sein lincke hand / und greiff mit deiner rechten handt von unden auff an sein elnpogen / und nim ihm das gewicht.

Kampffstuck.

Stich ihm inwendig zu seinem gesicht / und setz ihm an / Weret ers / so zuck und stich ihm zu der andern seitten / Wert er aber und streicht dir dein ohr ab / so far mit deim knopff ihm über seine rechte achsel umb den hals / unnd spring mitt deinem rechten fuß hinder seinen lincken / und wirff ihn darüber.

Bruch.

Wann dir einer mit seim knopff über dein rechte achsel um den hals gefaren ist / so begreiff ihm den rechten elpogen mit der lincker hand / un stoß ihn von dir / so gewinstu ihm die seiten an.

Ein ander Bruch.

Wann er dir mit seinem knopff umb deinen hals gefaren ist / so begreiff ihm seinen rechten arm mit deiner rechten handt / unnd halt sie fest / und wend dich von ihm auff dein rechte seitten / unnd wirff ihm über dein linkce hufft.

Ein anders.

Merck / wann du zwirchest / und dir einer auch mit der Zwire will vorn vorkomen / under dein schwert / an den hals / So fal ihm In des mit der langen schneid starck auff sein schwerdt / so ist es gebrochen / Und nim die nähest blösse an die dir werden mag.

Zornhaw.

Wann du einem einhawest mitdem Zornhaw / oder sunst von oben nider / und er dir das versetzt / und feret hoch auff mit den armen / und lauffent bed einander ein / Ist er dan so fürsichtig / und

wil

XIIII r

will dir dein schnidt nehmen under den henden in die arm / so volge seinem schwerdt nach undersich mit der langen schneid / un truck nider / so hastus brochen.

Ein anders.

Wann du aber hoch mit den armen kompst / und einer auch also / und laufft dir ein / unnd wölte dich dan mit dem knopff durch dein arm under deinen lenden / under die augen / oder in die brust stossen / so far undersich mit dem knopff / starck mit den armenn / und ruck an dich / unnd schlahe ihn mit deinem schwerdt auff seinen kopff.

Neben Hut.

Wann du nahend zu ihm kompst / so stehe mit dem lincken fuß vor / und leg das schwerdt mit dem ort auff die erd / zu deiner rechten seitten / das die lang schneid oben sei / das gehet zu beyden seitten.

Regel darauff.

Hawt dir einer oben zu / oder sunst wo es sei / so haw du ihm krump ein zu der blösse / mit einem außtritt.

Einn andere.

Treib den verkerer ein mit dem ort zu seinem gesicht / Unnd wann er anbindet / so sterck mit der langen schneid. Und magst alle vorige ding treiben in dem Streichen.

Außlegung des Rats.

Streck deine arm lang von dir / und das dein daum oben bleibe auff dem schwert / und wend das schwert von dir mit dem ort / darmit du aufftreiben magst von anden / auff deiner lincken seitten behend / und gehe zu dem man / Darauß magstu auff welche seitten du wilt / durchwechseln / Odder welche arbeit dir füglich ist / dem vortheil nach.

D ii      

XIIII v

Zwir häw brechen.

Wann du stehest in der Hut von tach / und einer auff dich hawet mit der Zwir / so haw den Zornhaw gleich mit ihm ein / unnd bind ihm starck mitten auff sein schwerdt / Und will er umbschlahen mit der Zwir / so zwirch ihm vorn zu seinem hals.

Auch magstu alle stuck treiben / als in dem Streichen.

Beschluß des langen Schwerdts.

Wer wol bricht /     Und endtlich bericht / Bricht besunder /     Jeglichs in drei wunder. Wer recht wol hengt /     Und winden recht mitt brengt / Und winden achtet /     Mit rechten sinnen betrachtet / Und so ihr eine /     Der winden selb trit ich meyne / So sind ihr zweintzig     Und vier / zäl sie eintzig / Von baiden seitten /     Acht winden / damit ler streiten / Brüff die gferte /     Weych oder hertte.

Zu dem kurtzen Schwerdt.

Das kurtz schwerdt dich bericht /     Wer gegen dir sticht / Mit deinem schilt /     Wiltu einen machen milt / Fünff ler /     Die mit rechten sinnen ker / Zwen auff der rechten /     Darmit ler fechten / Sovil auff der lincken /     Schick dich nit einwencken / Und vor einem     Laß dir nit vermeynen. Ist einer oben /     Bleib unden / thu ich loben. Mit deinem schilt lern absetzen /     Wind ein / wilt meister letzen Leßt er das /     Greif zwischen die beyn / nit laß. Trit bricht /     Was man macht / er zunicht. Ob er dir oben remt /     Greiff schwert / far in die mit / der würdt beschemt.

Durch

XV r

Durchgeh kumpt dir einer unden /      Setz ab / greiff zu dem hals / so magstu ihn wunden. Stangen / schwert / mach winden in /      Bring knopff zusamen / so hastu gewin. Von beden seitten lern inwinden     So magstu kunst finden. Nicht halt dich zu nahet /     Das du nit werdest ergahet. Schnelliglich volg / so du es ersihest /     Damit du ein betriegest.

Die erst Regel.

Merck ist er oben / so bleib du unden / Ist er aber unden / so bleibe du oben. Wann du unden bist auff der rechten seitten / unnd hast din schwerdt in der rechten handt / und dein ort in der lincken / sitch er oben gegen dir / so setz ab mitt deinem ort / wind ihme mit deinem knopff in sein lincken arm / und zuck ihn fürsich / oder setz ab mit deinem ortt / und fahe sein schwerdt zu deinem / und greiff von unden auff an seinen rechten arm / mit deinem knopff / und truck übersich / Oder wann du das schwerdt gefahet mit seinem ort zu dem deinen / so magstu auch greiffen in die mitte mit deinem knopff / und trit hinder ihn. Wer es sach das du ihn mit geschlagen hettest / und begreiffest dein schwert in die lincke hand / unnd hettest den ort in der rechten / so setz ab mitt deinem knopff / wind ihm mit deinem ort in sein lincken arm / unnd mit deinem knopff aussen an sein rechten arm / und zuck ihn fürsich.

Die ander Regel.

Bistu dan oben auff deinr rechten seiten / und hast dein schwert in der rechten hand / und den ort in der lincken / unnd er gegen dir sticht vonn unden auff / so magstu durchschiessen / Wiltu dann / so magstu absetzen mit deinem ort / und greiff sein schwerdt zu deinem knopff nach dem halse / und trit hinder ihn. Oder wann du abgsetzt hast mit deinem ort / so schlahe mit deinem schwerds knopff

D iii      

XV v

zu seinem knie / Oder greiff mit deinem ghültz ihm in die kniebüge / zeuch an dich. Oder greiff mit deinem ghültz nach dem hals und zeuch ihn fürsich nider / Unnd ob du aber geschlagen hettest / und dein schwerdt hettest in der lincken handt / und dein ort in der rechten / und er sticht von unden auff gegen dir / so setz ab mit deinem knopff / und greiff sein schwerdt zu deinem / so greiff ihm mit dem ort nach dem halß / und tritt hindersich.

Die dritte Regel.

Merck / wann du auff der lincken seitten bist / unnd stehst oben / und hast dein schwerdt in der rechten handt / und den ort in der lincken / und er sticht von unden auff gegen dir / so versetz mit deinem halben schwerdt / das dein knopff undersich kom an deim versetzen / und wind in mit dem knopff in sein lincken arm / und mit dem ortt aussen an sein rechten arm / und zuck ihn fürsich / Unnd wann du hast dein schwerdt in der lincken handt / und den ort in der rechten / und stehst oben auff der lincken seitten / und er gegen dir sticht von unden auff / so versetz mit dem halben schwerdt / das die spitze undersich komm am versetzen / so wind ihm mit dem ort in sein lincken arm / und mit dem knopff aussen an seinen rechten arm / und zucke ihn für sich.

Die vierd Regel.

Bistu dann unden auff deiner lincken seitten / und er sticht oben gegen dir / und hast dein schwerdt in der rechten hand / und dein ort in der andern handt / so versetze mit deinem halben schwerdt / das dein ort übersich komme an dem versetzen / so wind ihm ein mit deinem knopff zwischen seine beyn / und truck oben vonn dir / Das magstu thun als offt du einwindest / sunder tritt alweg in deinem einwinden hindersich / begreiffstu dann dein schwerdt inn die lincke handt / und dein ort in die rechte / unnd er sticht gegen dir von oben / so versetz mit deinem halben schwerdt / das dein ort un

dersich

XVI r

dersich komme / an dem versetzenn / so wind ihm mit deinem ort in seinen lincken arm / und mit deinem knopff aussen an seinen rechten arm / und zuck ihn fürsich. In dem vordern stuck / ker dein spitz übersich / so hastu die Einwinden unnd Durchschiessen unden und oben. Und ob einer auff dich schlegt oder sticht / so warte des Abreissen oder des Einwinden.

Merck / das halb schwert zu dem gesicht / unnd zu dem bauch / und den stoß undersich mit dem creutz und mit dem knopff under die augen / oder umb den hals / und trehe ihn umb.

Einlauffen.

Wann du einem einlauffen wilt / das ich nit fast lob / So du zu ihm kompst / laß dein schwerdt fallen / greiff mitt deiner lincken hand in sein rechte / und greiff mitt deiner rechten handt inwendig an sein recht beyn / und schlieff ihm under sein recht achsel / so hebstu und tregst ihn wohin du wilt.

Bruch.

Wann dir einer einlauffen will / far ihm mit deinem rechtenn arm über sein bede arm / und truck sie fast zu dir mit deinem arme / trit mit dem rechten fuß hinder seinen rechten / unnd wende dich auff dein lincke seitten / so fellt er.

Einlauffen brechen.

Wann dir einer will einlauffenn im schwerdt / laß dein rechte handt vom schwerdt / unnd begreiff sein rechte hand außwendig mit verkerter handt / und zuck ihn zu dir / Greiff mit deiner lincken handt an sein elpogen / und nim ihm das gewicht.

Ein

XVI v

Ein anders.

Laß dein handt vom schwerdt / und mit der rechten hand fahr ihm über sein rechte hand / unnd truck damit nider / unnd mit der lincken hand nim ihm das gewicht bei seinem elpogen.

Schwerdt nemen.

Wann du sein schwerdt zu deinem begriffen hast in dein lincke handt / und bleibt er nider mit den armen / so far mit dem knopff oben über sein schwerdt vor seiner rechten handt / unnd ruck auff dein rechte seitten / so bleiben dir baide schwerdt.

Von Messerfechten.

Herrn Hansen Lebkommers von Nüren-
berg / An den Hochgebornen Fürsten und Herrn / herrn Philip
sen / Pfalzgraven bei Rhein / Des h. Röm. Reichs Cur
fürsten / Ursprüngliche kunst des Messerfechtens /
mit allen Regeln und gründtlichen haltungen
der Alten / zum ringen / greiffen / und
werffenn / Dergleichen hawen /
stechen und schneiden.
Hievor nie inn truck kommen.