85 r

Hie heben sich an die Ringen die maister ott gedicht hat der ein getauffter Jud gewesen ist

Item In allen Ringen süllen sein drej dingk Daß erst kunst. Daß ander schelligkeit. Daz dritt ist recht anlegung d' sterck Darümb soltu mercken daß pest ist schnelligkeit die nit lest zu prüchen komen Darnach soltu mercken daß man allen krancken sol vor Ringen vnd allen starcken nachringen Vnd In allem vor ringen wardt der schnelligkeitt In alle mitringen wart der wag Vnd In alle nachringen wartt der kniepüg,

Item wenn du mit einem Ringen wild aufz den armen So gedenck albeg daß du In fassest mit deiner lincken hant In der mausz seineß rechten armeß und mit deiner

85 v

rechten hant In fassest außwendig seinß lincken armeß vnd mit d´ lincke hant die du In der mauß hast truck frisch zu rucke vnd mit dein rechten hant begreif Im sein lincke hant vorn vnd zuck vast zu dir Vnd wann du einen also geuast hast So treib die ringen die hiernach geschrieben sten welcheß dich am pesten duncket

Item Daß erst stuck wann du In also geuasset hast So far mit deiner lincken hant [auf] sein rechten arm und begreiff In vntter seiner rechten hant da du sein lincke hant Innen hast Stoß Im den arm von dir So verrenckstu Im den arm.

Item ein anderd auß den vassen,

Heb Im auf den lincken arm mit deiner rechten hant Vnd far Im mit dem haubt durch den arm

86 r

und zuck Im den über deinen halß und mit der lincken hant begreiff Im sein linckeß pein In der kniepiegug und würff In also über den rucke.

Item ein anderd ausz dem fassen Heb Im auf den lincken arm mit deiner rechten hant und greiff Im mit deiner lincken hant vnden In sein elenpogen vnd zuck damit zu dir vnd mit der rechten stoß oben von dir vnd spring mit deinem lincken fusz hintter seinen rechten fusz vn würff In ausz dem fusz über dein linckeß pein ~

Item aber einß aussz dem erstenn fassen Halt In vest mit deiner rechten hant sein lincke vnd greif mit deiner lincken hant deiner rechten zuhilff vnd halt vest mit

86 v

beden henden Vnd wende dich duch seinen arm auf dein rechte seitte So gewÿnnestu Im den ruck an.

Bruch

Item wer dir durch gee dem gee mit durch vnd vall In ein ringe In welcheß du wilt.

Item halt In vest mit beden henden sein lincke vnd wend dich durch sein arm auf dein lincke seitten.

Also brich daß.

Item halt Im sein lincke hant vest mit deinen baide henden vnd wend dich durch sein arm auf dein lincke seitten vnd zuck Im den lincken arm über dein rechte achseln vnd ruck vnttersich.

87 r

Item wann dir einer hat geuast dein lincke hant mit seiner rechte vnd will mit seiner lincken hant vntten durchfarn an deinem elenpogen vnd will dir den drencken oder wil seiner rechten hant zuhilff komen vnd sich durch den wenden die weil er mit der lincken der rechten zuhilff greiffet oder nach dem elenpogen In deselben so far Im mit deinem rechte arm oben über sein lincken In sein rechte seitten vnd fasz In In d' wüst vnd spring mit deinem rechten fusz hintter sein lincken fusz vnd würff In ausz dem lincken fusz über dein rechteß pein ~

Item Greifft dir einer oben In die arm mit sterck vnd hat dich vest vnd wil dich dringen So far mit deinem rechten arm aussen über sein lincken arm vorn pej seiner

87 v

hant vnd begreift mit der lincken dein rechte vnd druck mit beden sein hant vast an dein prust

Item strecket er dir die vinger an der hant die du Im an der prust druckest So greiff Im In die vinger mit deiner lincken hant vnd heb übersich auf dein lincke seitten vnd mit der rechte hant nÿm daß gewicht bej de elenpogen.

Ite helt er aber die hant zu an deiner prust So spring mit deine rechten fusz hintter seinen lincke vnd greiff mit deiner lincke in die kniepiegung seinß lincken fusseß vnd heb damit auf vnd mit der rechten hant stoß In obe von dir So vellet er.

88 r

Aber ein gut ringen

Item helt dich einer laß In den armen wenn du mit Im ringen wilt So greif mit deiner lincke hant oben über sein rechte vnd begreiff sein lincke hant pej den vingern oder sunst vnd heb auf dein lincke seitten vnd mit der rechten nym Im daß gewicht bej seinem lincken elenpogen ~

Also brich daß

Item wer dir daß tut vnd dir mit der lincken hant nach den vingern greifft vnd wil dir mit der rechten daß gewicht nemen bej dem elenpogen Denn so far mit deiner rechten hant untter seine lincken arm In die wüst vnd spring mit deinem rechten fussz für vnd würff In also.

88 v

Item ein pesser pruch wann er dir mit der lincken hant dein lincke begriffen hat vnd wil dir mit der rechten daß gewicht nemen pej dem lincken elenpogen So sencke dich nider vnd far Im mit dem lincken elenpog In die wüst vnd spring mit dem lincken fusz hintter sein rechten vnd begreiff Im sein rechten fusz mit deiner rechte hant In der kniepiegung vnd zuck damit zu dir vnd mit der lincken hant stosz In oben von dir So velt er.

Item wann dir einer begreiff dein lincke hant mit seiner lincken vnd nympt dir mit der recht daß gewicht vnd stöst dir den lincken elenpog hoch auf vn wend dich mit dem haubt dar

89 r

durch vnd far Im mit dem rechte arm In sein lincke wüsten vnd spring mit deinem rechten fusz hintter seinen rechten vnd würff In über dein rechte hüff.

Aber ein Ringen

Item wann dich einer gefast hat pej den armen vnd du In wid Helt er dich dann lose so slag Im sein lincken arm ausz mit deiner rechten hant von oben nider vnd begreif Im damit sein linckeß pein In der kniepiegung vnd zuck zu dir vnd mit der lincken hant stoß In vorn an die prust an seiner lincken seitten So musz er vallen

Also brich daß

Item wenn dir einer greifft vorn

89 v

an die prust mit seiner lincken hant So begreiff Im sein lincke hant mit deiner lincken vnd reibe vmb vnd mit deiner rechte hant nÿm Im daß gewicht pej dem lincken elenpogen.

Item oder stoß In mit deiner rechte hant seinen lincken elenpogen über sich vnd wend In also von dir ~

Aber ein ringen

Item wann du dich mit eine gefasst hast pej den armen helt er dich dann lose So slag sein rechte hant ausz mit deiner lincken von oben nider vnd far Im damit vnden durch sein rechte arm vnd begreif In hinden vn halt In veste vnd zuck vnd mit der rechten hant begreif In auszwendig In seiner rechten kniepi-

90 r

gung So würffstu In auff die lincken seitten vnd daß get zu beiden seitten zu.

Hie heben sich an die leip ringen.

Item wann du dich mit eine gefasset hast daß du ein hant vntter seinem arm hast vnd die andern oben vnd er auch also vnd einer den andern zu Im rucket so magstu In mit der hant die du unden hast hinde begreiffen vnd vast halten vnd In werffen mit den ringen als negst vorgeschrieben stet

Aber ein leipringen

90 v

Item wann du dich mit einem gefast hast pej den armen alß obe geschriben stet vnd gener ist starck vnd druckt dich fast zu Im So setz Im den elenpogen an die kele vnd druck In damit fast daß tue mit der hant die du oben hast So musz er dich lassen.

Ein ander gefertt

Item ob dich einer hat gefast vnt deinen armen vnd trucket dich fast zu Im mit sterck vnd tut dir wee So brich dich also von Im Greiff Im mit beden dawmen In die augen oder vntt sein kinpacken oder mit beden dawmen In sein kelen so musz er dich lassen.

Hastu dich aber mit einem gefast alß vorgeschriebe stet so far Im

91 r

mit deinem arm den du oben hast vntter den kinpacken an den halß vnd stoß In vast von dir vnd mit der hant die du vnden hast begreiff Im daß pein In der kniepiegung vnd zuck damit zu dir So württ er geworffen ~

Item ob dir einer daß prechen wolt vnd wolt dir daß gewicht nemen pej dem elenpogen So senck denselbigen elenpogen vnttersich vnd truck Im den In die seitten vnd mit der andern hant begreif Im ein pein In der kniepiegung vnd würff In.

Aber ein leip ringen

Hastu dich aber mit einem gefasset alß vorgeschriben stet, helt er dich dann lose un druckt

91 v

dich mit fast So wechsel die hant die du vnden hast Im auf die andern seitten auszwendig In sein kniepiegung vnd heb damit auf Vnd mit der hant die du oben hast far Im oben für den halß Vnd stoß In damit oben von dir So felt er.

Aber ein leip ringen

Item wann dir einer mit seiner rechten hant zwischen deinen peinen durchfert vnd fast dich hinden pei der Joppen So pück dich mit dem gegen Im vnd far von aussen vnden durch sein rechten arm vnd heb damit übersich so mag er dich nicht gewerffen

92 r

Aber ein ringen

Item ob dich einer bej ein hautt begriff vnd wolt dich übersich mit seinen beden henden vnd het dich gefast pei der lincken hant und wolt dich rucken auff sein rechte seitten so laß dein rechte hant oben durch über sein lincken arm In sein rechte seitten vnd fasz In ÿn der wüst mit der rechten hant vnd mit der lincken fall Im In ein kniepiegung

Aber ein ringen

Item vast dich einer vorn pei der prust mit beden henden So far obe über mit der rechten hant über sein lincke vnd zwing Im die vnd mit der lincken hant an sein recht elenpog vnd schrenck mit dem lincken fusz ~

92 v

Wider die schrencken In armen ein bruch ~

Item wann dir einer schrencken wil mit der rechten hant so schrenck Im wider mit der lincken.

Aber ein ringen

Item slag ausz mit beden henden vnd fall Im mit beden hende In die kniepiegung vnd zuck zu dir vnd stoß In mit dem haubt vorn oben In die prust vnd würf In zu ruck.

Ein pruch

Item fasz In oben pej dem halß vnd dem üchsen vnd leg dich vast oben auf in vnd dritt wol zu ruck mit den füssen daß er dir keinen begreiffen mag So truckestu In zu der erden.

93 r

Aber ein Ringen.

Item ob er den rechten fusz fürsetzet So zuck In mit der lincken hant pej seiner rechten vnd slag In an den enckel seinß rechten fusseß mit deinem lincken fusz vnd ruck In nÿder ~ Od' fall Im zu d'recht hant In die kele vn truck In üb' rucke.

Aber ein ringen

Item hebt dich einer loß pej den armen So greif mit deiner lincken hant nach seiner rechten vn begreiff Im die vinger vnd halt In vast vnd slag auf mit deiner rechten vnd far Im durch vntter seinen arm vnd fasz In ÿn d' wüst mit der lincken In ein kniepiegug

Aber ein ringen

Item fasset dich einer hinden pej

93 v der gürttel So sencke dich nÿder vnd wann er dich erhebt So wend dich vmb vntter Im vnd würff über rucke,

Aber ein ringen.

Item gee mit der rechten hant durch vnd slag In oberhalb der hüff In der waich vnd far mit der lincken hant oben über sein rechte achseln vnd slag dann dein rechte hant Im gelencke vnd halt die veste vnd heb In auff vnd mit deinem rechten knie erheb Im sein lienckeß knie vnd würff In für dich~

Aber ein ringen

Item begreiff Im sein rechte hant mit deinen beden henden vnde

94 r

zuck In auff die rechten seitte vnd schreitt mit deinem rechten fusz hintter seinen rechten vnd far Im mit dem rechten arm In sein lincke seitten vnd würff In über dein rechte hüffe ~

Aber einß.

Item wann dir einer mit seinen beden armen will farn vntter dein bede arme So far von obe nider mit deinen beden armen aussen vntter sein elenpogen, vnd sleusz dein arm zusamen vntter sein elenpogen vnd heb mit sterck übersich vnd prich Im die arm.

Item auch magstu Im fallen In die kelen vnd Im zu dem ruck drucken.