3 r

Alhÿe hebt sich an dye zedel der ritterlichen kunst des fechtens dye do geticht und gemacht hat Johans Liechtenawer der ain hocher maister In den kunsten gewesen ist dem got genadig sey

| Des ersten mit dem langen swert / Dar nach mit der glefen | und mit dem swert zu ros | Dar nach mit dem kürtzen swert zü champf  | Und dar umb dÿ kunst fursten | und herzen  | Ritter und knechten zu gehört das sy dy wissen | und lernen sullen  | So hat er die selbig kunst igleich besunder lassen schreiben mit verporgen  | und verdackten worten  | Dar umb das sÿ nit yderman vernemen noch versteen sol  | als du sy her nach geschriben wirst vinden  | Und hat das getan durch der leichtfertigen schirmaister willen | dye irer kunst gering wegen / das sein kunst von den selbigen maistern nicht gemain noch geoffenwart sol werden solichen lewten die | dye kunst in wieden nicht behalten als dan der kunst zu gehört

Das ist dy vor red

| Junck ritter lere  | Got lieb haben frawen io ere  | So wechst dein ere | Ube ritterschaft  | und lere | kunst dye dich zyret  | Und in kriegen zu eren hofiret | Ringes guet fesser | Glefen sper swert | und messer handleich bederben | und in anderen henden ver derben / Haw drein und hurtt

3 v

dar Rausch hin trif oder la faren Das yn die weyssen hassen | dye mann sicht preysen | Dar auff sich fasse | alle kunst haben leng und masse

Das ist eyn gemaine ler des langen Swerttes

| Wildu kunst schauen | Sich linck gen und recht mit hawen | Und linck mit rechten | Ist das du starck gerest vechten | Wer nach get hauen | Der darff sich kunst wenig fräwen | Haw nahent was du wild | kain wechslär kumpt an deinen schilt | Zů kopff zů leib | dÿe zegt nicht vermeÿd | Mit gantzem leib vicht was du starck gerest treÿben | Hör was da slecht ist | Vicht nicht oben linck | So du recht pist | Und ab du linck pist | jm rechten aug sere hinckes | Vor und nach dy zway ding | Sind aller kunst ain ursprinck | Swech und sterck | Inn des | Das wort do mit mit merck | So magstu lernen | mit kunst arbaitten und weren | Erschrickstu gerne | kain vechten nymmer gelerne | Funff häw lere von der rechten hant/ wer dy were denn wir geloben | In kunsten gerne zůlon

Das ist der text

| Zorn haw krump twer | hat schiler mitt schaitlar | alber vorsetzt | Nach reysen über lauff haw setzt | Durch wechsel zuck | durchlauff | abschneid hende druck | heng wind mit

4 r

plösen | Schlach vach streich stich mit stössen

Der zoren haw

| Wer dir öberhawt | Zornhaw ort dem drawt | Wirt er es gewar | Nÿm oben ab öne far | Pis starck her wider | Wind stich sicht leger waich oder ers nÿm es nÿder | Das eben merck haw stich leger | waich oder hert jnndes | und vare nach an hurt | Dein krieg sey nicht gach | Wes der krieg | Rempt oben nÿden wirt er beschempt | In allen winden | Haw stich schnydt lere vinden | Auch soltu mit prufen | haw stich oder schnÿd  | In allen treffen | den maistern wiltu sy effen -

Dÿe vier plossen

| Vier plossen wisse | Reme so schlestü gewisse | an alle var | an zweÿfel wie er geparr

Dye vier plossen

zw prechen

| Wildu dich rechen | Dye vier ploss kunstlich prechen | Oben duplir | Nyden recht mutir | Ich sag fur war | Sich schützt kain man ane far | Hastu vernomen | zu slag mag er klain kummen

Der krump haw

| Krump auff behende | wirff dein ort auff dye hende | krump wer wol setzt -

4 v

| Mit schriten vil haw letzt | Haw krump zů flechen | Den maistern wiltu sy swechen | Wenn es glitzst oben | So stand ab das wil ich loben | Krump nit kurtz haw | Durchwechsel do mit schaw | Krump wer dich irret | Der edel kriegk in vor wirret | Das er nicht weis vor war | wo er sey ane far

Der twer haw

| Twer benympt | was vom tag her chümpt | Twer mit der sterck | Dein arbait do mit merk | Twer zu dem pflug | zu dem ochsen hart gefüg | Was sich wol twert | mit sprüngen dem haupt gevert | Veler wer furt | Von unden nach wünsch er rurt | Verkerrer twingt | Durchläuffer auch mit ringt | Den elpogen | Gewis nÿm spring im in die wage | Veler zwifach | Trifft mann den schnit mit mach | Zwifach es fürpas | Scheitt in linck und pis nicht las -

Der schilhaw

| Schiler am pricht | was püffel slecht oder sticht | Wer wechsel drawt | Schiler dar aus Inn beraubt | Schil kürtzt er dich an | Durchwechsel gesigt im an | Schill zu dem ort | Und nÿm den hals ane vorcht | Schill zů dem öberen | haupt hend wild du bedöberen

Der schaittelhaw

| Der scheitlar dem antlützt ist gevar | Mit seiner kar | Der prüft vast gefer

5 r

| Was von ym kümpt | Dy kron das abnympt | Schneid durch dye kron | So prichstu sye hart schon | Dÿe striche druck | Mit schnÿtten sy ab zuck

Dÿe vier leger

| Vier leger allain | Da von halt | und fleuch dye gemain | Ochs pflueg alber | vom tag sey dir nicht unmär -

Dye vier vor Setzen

| Vier sind vor setzen | Dye dy leger auch sere letzen | Vor fursetzen hüett dich | Geschicht das auch ser es mut dich | Ob dir vorsetzt ist | und wie das dar chömen ist | Hor was ich dir ratte | Reis ab haw schnell mit drate | Setz an vier enden pleib dar auff lere wildu enden

Von Nach Reÿsen

| Nach raisen lere | Zwifach oder scheneid in die were | Zwaÿ ewssere niyme der arbait dar nach begynne | Und prüff dÿe gefert | Ob sy sind | waich oder hert | Das fulen lere | jnndes das wort schneidet sere | Nach raÿsen zwifach | Trifft mann den alten schnit mit mäch

Von überlauffen

| Wer unnden rempt | uberlauff denn der wirt beschempt | wenn es klitzst oben | So sterck das ger ich loben

5 v

Dein arbait mache |Oder herte druck zwifache

Von absetzen

| Lere absetzen | haw stich kunstlich letzen | wer auff dich sticht | Dein ort trifft | und seinen pricht | Von paiden seitten | Triff alle mal wiltu schreiten

Von durchwechseln

| Durchwechsel lere | von paiden seitten stich mit sere | Wer auff dich pindet | Durchwechsel in schier vindet

Von zucken

| Trit nahent inn pinden | Das zucken gibt gute funde | Zuck trifft er | zuck mer arbait erfinde | Das tůt ym we | Zuck allen treffen | den maistern wiltu sÿ effen

Von durchlauffen

| Durchlauff las hangen | mit dem knopff greiff wiltu rangen | Wer gegen dir sterck | Durchlauff do mit merck

Von abschneiden

| Schneid ab dÿ herten | Von unden in baiden geferten | Vier sind der schnydt | Zwen unden | zwen oben mit

Von hend drucken

6 r

| Dein schneid wende | zu flechen druck dÿe hende

Von tzwaien hengen

Zwaÿ hengen werden | aus einer hant von der erden | In allem geferte | haw stich leger waich oder herte

Von sprechfenster

Sprechfenster mach | Stant freileich besich sein sache | Slach in das er schnobe | wer sich fur dir zeuhet abe | Ich sag dir für war | Sich schütz kain man ane far | Hastu vernummen zu slag mag er clain kummen

Das ist die beschliessung der zedel

| Wer wol fürt und recht pricht | Und endlich gar bericht | Und pricht besunder | Igleichs in dreÿ wunder | wer recht wol henget | Und winden do mit pringet | Und winden acht | mit rechten wegen betracht | Und io ir eine | Der selben winden selb dritt ich meine | So sind ir zwaintzigk und vier zell sÿ antzigk | Von paiden seitten | Acht winden lere mit schreiten | Und pruef dÿe gefert | Nicht mer nür waich oder hert

Das ist maister Johansen liechtenäwer ross vechten

6 v

| Dein sper bericht | Gegen reiten mach zů nicht | Ob es empfalle | Dein end ÿm ab schnalle | Haw drein nicht zucke | von schaiden linck zu ÿm rucke | Greiff in sein rechten | So fechstu in ane fechten | Das gleffen slechen fechten | Sittigklich an hurt lere prechen | Ob es eß [crossed] sich vor wandelt | Das swert gegen swert wirt gehandelt | Recht vas dÿ sterck taschen haw tü süch | und merck ler wol starck schütten | Allen treffen an far do mit nött in | An setz an far | wer straifft heng im zů dem har | Wiltu gerüt lanck  | iagen das sere müt | Wer das nu wert | Do wind das aug vorsert | wert ers furpas | Vach zawm und wes nicht las | Bedenck die plös | Snech plöss [crossed] messer nicht wartt klöss | Zwen streich ler | Mit lärer hant gegen di [crossed] der wer | Der schaff grif weret | wer sich ringens | Zů dir keret | als under augen | angreif in recht mit flaugen | wer dich an felt | wider reittens der wirt gefelt | hangens zů der erden | über greiff in recht mit geperden | Zu paiden seitten | du in an ler dich alle wider reitten | Ab du wilt reiten | Ross lauffs zu der anderen seÿten | Dÿe sterck schütte | an setz da mit in note | wer wert dir das | weit swert vach trag na der handt has | Oder umb ker | geruet zů | iagen der were | Mit allen kunsten | der iagt der schick nach grunsten | Ab du wer iagst | und an danck linck iagst | Sein swert auff taste /und ring stös mit

7 r

faste | Iagt man rechtens | halt ker umb wart vechtens | Mit armen vahen | So mag dir kain schad nachen | Dÿe messer nemen | Behalten ler an schomen | den ungenatten den starcken | In werwant | Ir slacher ir stechen | wer dirbt an als vechten | Wiltu an fassen | Neben reittens soltu nicht lassen | Das sunnen zaigen | linck ermel treib wiltu naigen | Das vor haubt taste | Gegen nack druck sere faste | Das er sich swencket | und selden wider auff gelencket | wer dir das rempt | uber greiff den der wirt beschempt | Druck armen zu haubt | Der griff offt satel beraupt | wiltu aber dich massen | des vahens liecht von dir lassen | Ringens den gefangen hin ane schnure | Den vorgreiff merck | Der pricht furpas sein sterck

7 v

Die erst figur [in a circle:Jag von der prust zu seiner rechten hand]

Die ander figur [in a circle: umbkere mit dem Rozz Zewch sein rechter hande mitt deiner lingken]

Die dritt figur [in a circle: Mit strayffen Satel nyem oder wer nymbe]

Die vyerdt figur [in a circle: Setz an hoch swing durch var oder Swert prich]

Die funfft figur [in a circle: Daz schuten vorgengk allen treffebb hawen unnd stechen]

Die sechst figur [in a circle: Greyff an mit peyden henndten die sterck]

Die sybendt figur [in a circle: Hie heb an den man taschen haw zu suechen]

Die achtt figur [in a circle: Wenndt jm die rechte hanndt setze den ortt zu den augen senck]

Die newnt figur [in a circle: wer den stich wertt dem vach sein rechte handt in dein lincken]

Die Zechent figur [in a circle: Suechee die ploss arm ader hanndt schuech undt ir den augen]

Die ayndlesst figur [in a circle: Druck vast stoss von tzawm sueche sein messer]

Die Zwolfft figur [in a circle: Mitt lerer hanndt lere zwen strich gegen alle were]

Die dreitzechent figur [in a circle: Der schaf gref wertt alle griff Ringens undter augenn]

[vertically, in the middle of the page]

Dein Sper bericht etc Ob es einphal etc Haw dreyn nichtt Zuckh et cettera

Glosa lingck zu jm ruck Greyff in sein rechten so vechst da In ane vechtenn

8 r

Die viertzendt figur [in a circle: Anderways kere umb so die Rozz hynn hurtten]

Die funfftzend figur [in a circle: In der nech vach die hanndt verkere sein anttlitz da der nack ist]

Die sechtzechend figur [in a circle: Die were vach in der weytt In dein wider Reytten]

Daz sybentzechend figur [in a circle: Jagst die lingk so vall auf Swertes kloss stoss undter augenn]

Die achttzechendt figur [in a circle: Iage zu der rechtten hanndt mitt Irer kunsten]

Die nëwntzechent figur [in a circle: Setz an den ortt gegen dem gesichtte]

Die tzwantzigst figur [in a circle: Schutt gegen allen treffen Diee ynnner werdenn]

Die ain und tzwayntzigist figur [in a circle: Die sterck in dem anheben DarInn dich recht schicke]

Die tzwo und tzwaintzigist figur [in a circle: Daz ist nun der sper lawff der dem andern begigendt undter augen]

Die drey und tzwaintzigist figur [in a circle: Der ungenant griff wer nymbtt oder velt In]

Die vier und tzwaintzigist figur [in a circle: ob man dich Jagt zů bayden Seytten kere umb lingk so er rechte kumbt]

Die funff und tzwaintzigist figur [in a circle: Der mezzer nemenn und behalden gedenck]

Die sechssundtzwaintzigist figur [in a circle: Ubergreif wer dich an velet oder thue jm wider Reyttenß]

[vertically, in the middle of the page]

Wild du ansazzen neben reittens not solt du lasen daz sunnen tzaigen lintzk ermel treib wildu naygen

Wer dir daz rembt ubergreifft den der wurd beschämbt druck arm zu haubt der griff offt sattel berawbitt

8 v

Hie hebt sich an maister Johanßen liechtenawers kunst dem got genädig sey mit dem kurtzen swert zů kampff

| Wer ab synt | ffechtens zů fuess begint | Der schick sein sper zway sten | an heben recht wer | Sper und ort | Den vorstich stich an vorcht | Spring wind setz recht an | wer er zuck das gesigt im an | Wiltu vor stechen | mit zucken lere wer prechen | Merck wil er zyhen | von schaiden und wil er er fliechen | So saltu im nahen | Zů weißleich wart des vahen

Das sind dye ringen zů champff

Ob du wild ringen | hinder pain recht lere springen | Rigel fur schiessen das vor pain kunstlich schliessen | von paiden henden | ob du mit kunst gerest enden | Ob es sich vor ruckt | Das swert gegen sper wirt gezuckt | Der stich In war nym | Spring vach ringens eil zů ym | linck lanck von hant slach | Spring weisleich und den vach | aber wil zucken von schaiden vach | und druck in das er dy plöss | Mit swertes ort verdros | leder und hantschuech | under augen dy plöss recht suech | Verpotne ringen | Weisleich zů lere pringen | zů schliessen viende | Die starken do mit vber winde | In aller lere | dein ort gegen der plöss kere | wo man von schaiden swert zuck sicht von in paiden | So sol man stercken | Die schütten recht eben mercken | Vor und

9 r

nach dÿe zway dingk | prueff weysleich lere mit ob spring | volg allen treffen den starcken wiltu sÿ effen | wer er so zuck | Stich wert er | In zů ÿm ruck | Ob er lanck vichtet | So pistu kunstlich berichtet | Greift er auch sterck an | Das schiessen gesigt ÿm an | mit seinem slahen den ort | Schützt er sich triff anne vorcht | Mit paiden henden | Dein ort zů den augen lere wenden | Des vorderen fuess | mit slegen du hütten müest