97 r

leere Seite

97 v

Hÿe hebt sich an maister marteins huntfeltz kunst dem got genädig seÿ zu° Ross mit der glefen vnd mit dem swert her nach geschriben

Zu° ross streiten lere von paiden seitten | Dar nach wisse den ros guten gewisse | auch merck die seitten do du auf vortail gerest streitten | wer auf dich sÿnnet sein | schwert zu dir chumen gewinnet | an zweifel wind an | wildu chainen schaden han | Darnach mercke | glefen naÿ bederben mit stercke | erst plos zu° rennen | so fass den zaum lanck mit sÿnnen | Dar nach zu° streiten | Die glefen twer vber ein seitten | So merck die seitten | so du mit kunst gerest reitten | So recht mit sÿnne~ | So du absetzen gerest gewinne~ | Recht lanck lass hangen | Das lob ich witu rangen | Wer auf dich wil hauen | Vor setzen soltu dich freÿen | Wenn du hast vor setzt | So sein all sein häw geletzt | So findestu schnidt hinden | vnd vorñ mit dar nach ÿm abhaut|zaum linck pain sunder im draw -

Das sind die stuck mit der glefen

Item renn mit ÿm geleich ein mit der glefen | vnd stee auf von dem lincken arm~

Item setz ab kurz mit paiden henden mit der glefen

98 r

Item so dir einer aus slecht die glefen mit dem swert so stos ÿn mit der glefen mit dem hinderñ tail zu° den hoden | oder far ÿm mit dem arm~ in sein arm~ | vnd nÿm ÿm sein swert

Swert gegen swert

Item leg dein swert auf den lincken arm~ | vnd wenn Jäner auf dich haut so stee auf haw hant zaum linck pain ab -

Item stee auf mit dem swert vnd nÿm ÿm sein swert -

Item gee auf mit deine~ knopf vñ haw jm zu dem kopf do mit prich glefen | vnd allew were -

Item wenn du jm zu° dem kopf schlechst | vnd er dir vor setzt so heng wol aus deine~ rehcten arm~ wirf oder stich jm in sein arm -

Item vorsetz den stich oder den slag | vñ var jm mit dem knopf zu° dem halt | vñ würff ÿn -

Item wenn er dir zu° der lincken seittñ zu° reitt So vorsetz | vnd slach ÿm ein ober haw zum kopf | oder stich im in den hals -

Item nÿm dein swert in die linck hant | vnd leg es dem ross auf den hals | vnd wenn er schlecht so vorsetz | vnd stich ÿm zw° dem hals -

Item wenn er schlech so vor setz | vñ hurt

98 v

mit deine~ gehülz vnder sein arm~ vnd mit deine~ rechten fuess far vnder sein satel rÿmen | vnd erpür ÿm den fues | vnd heb ÿm auf den arm~ mit deine~ gehülz | vnd würff ÿn also vom ross

Item das stuck ist der edelschafgrif als du wol waist wie man den treiben sol

Item ein swert mit dem anderñ genome~ aus den hangenden örterñ begreif ÿm den arm do er das swert Inn heltt | vnd hurt ÿm durch | vnd nÿm ÿm das swert oder zeuch ÿn von dem ross

Item als vor häw im gerad zum kopf ein ober haw

Item gee auf von dem lincken arm~ | vnd hau im ab den hals mit der twer oder begreif im den hals mit der rechten hant | vnd würff ÿn -

Das ist zu° gewappenter hant

Item lass lanck hangen | vnd greif in das kurz swert | vnd vorsetz für deiner hant vnd stich ÿn wo dw magst -

Item als vor | vnd far im vmb den hals besunder vorsetz von dir lanck -

Item gee auf mit dem knopf | vnd vorsetz mit dem venster | vnd greif in das halbswert | vnd wechsel die hinder hant foren | vnd slach ÿm zu dem hals -

99 r

Item swert wider glefen vorsetz mit dem swert das dein stich jm zu° dem hals gee

Item lagt einer starck auf dich mit der glefen so vor setz mit halbem swert | vnd las do mit glaitten | vnd stich ÿm zu° dem hals -

Item nÿm swert degen von der lincken seiten | vnd die glefen linck seitñ mercke dein arbait do mit sterck -

Item wind | vnd vorsetz nÿmb von dir lanck so ist er geletzt zil hant -

Wider das versetzen am swert

Item dar nach vorplende wer dich mit vorsetzen wil schenden | An zweifel nÿm war | vnd var im pald vnder den arm~ dar -

Ab setzen zu° prechen mit der glefen

Wiltu absetzen prechen | vnd sein kunst letzen glefen zu° forne raus dar vnder nÿm ÿms an zorne | Auch magstu rangenn wenn du in hast vmbfangen

Item greift er dich an zu der seittñ vmb den hals | oder des gleichen vmb fach seinen arm~ auswendig in de püg | vnd prich von vnden auf -

Das ist ein gemaine lere zu° ross

Item fleuchstu vor ob man dich jagt | vn~ man dir hinden an setzt mit der glefen

99 v

So setz ab durch arm~ | Oder würf dich vmb oder sitz mit dem ars in die krum | oder halt an dich mit dem ross durch ros ädems willen | vnd haw drein mit den sporñ so get die glefen aus lere von paiden seittñ haw stich künstiglich abgleitten -

Item stich von paiden seitten hinder sich im nach iagen | vnd iniglichen stich sitz in die krum -

Item du magst auch absetzen mit der hant | vnd mit dem degen | wenn man voren an gesetzt hat das get auch zw° mit weichen in die krüm -

Das ist aber ein lere

Merck | wenn du vechten solt zu° ross mit eine~ armprost | vnd mit eine~ swert | vnd woldest sÿ gerñ paide behalden also das du sÿ nicht von dir liest | wenn du mit eine~ arbaittest das du das ander auch behieldest -

Merck wenn du verschossen hast | vnd nicht zu° hant wider kanst kümen zu dem spannen und müst ja verdrucken | So slach dein arm~prost an den lincken arm | vnd greif zu° den swert | oder begreif das arm~prost niden peÿ der nuss mit der lincken hant zw° dem Zaum | vnd mach die also einen schilt mit dem armprost vnd arbait mit dem swert -

Wildu aber wider zu° dem spanne~ kumen

100 r

So slach ##dein swert vnder dein lincke pain vnder das steickleder | vnd druck also das pain an das ros | Oder stich dein swert durch den gerñ deins rockes | vnd also magstu spannen | vnd sÿ paide behalten | vnd da mit ab | vnd zu° kumen -